لاصرت بايعني اشوفكـ على خير

لا صرت بايعني أشوفك على خير 000 مع السلامه دام مابه سلامه

قلت أنتهينا قلتلك خير يا طير 000 ماني بأول شخص يخسر غرامـه

محذرك من قبلها ألف تحذير 000 لاعـفـتـني بـيـعـيـف قلبي أهيامــه

ماني بميت لا ؟ ولا أحتاج تبرير 000 صح الله لسانك ووفر كلامـه

بسمعك حبكه وفكره ! وتصوير 000 وأفهم عدل يا مدعي بالفهامه

وجه الشعر أبيض ويحتاج تغير 000 ودي تزين هـالـقـصـيـده علامه


ماضيك الأسود بذكره دون تقصير 000 كذا يكون بخد هالشعر شامه

يصدق معي تعبير ويخون تعبير 000 يا ضيعة الشاعر بوقت أنسجامه

يمكن خطا أدونك بالشعر مـيـر ! 000 لو ما أحترمتك للغرام أحترامه

ما كان حبك غير بس طعنتك غير 000 علمتني معنى الندم والندامـه

ما جاك مني أي زله وتقصير 000 كل ما خطيت أعاتبك بـبـتـسـامـه

حسبي على الذكرى إذا هبت عصير 000 ما عاد تنفع شرهتي والملامه

البال ضامي وقتها والحزن بير 000 خسرتك وهمي كسبت أهتمامه

والليل فازعلك كذا جاني مغير 000 ظـلمتـني وأكـثـر ظـلمني ظـلامه

لقبل علي أوحيت صوت المساير000 وفزيت كل ضيفن هقوم بمقامه

واليا عزم هالليل ضيقه وتفكير 000 قـلـي بـربـك كـيـف بـقـدر أنـامه

ما فيه داعي للعتب والمعاذير 000 الغدر خال الجرح وأطيب عمامه

إما يجيب الله مطر تالي وخير 000 ولا السلامه ماش مامن سلامه
[