تعبنـي الترقيـم مـن سـوق فـي ســوق
كنـي موظـف فـي حـراسـات الأســواق
لزقـت فيهـا لزقـة عـلـوك ( بـاطـوق )
حـتـى عرفـنـي كــل بـايـع وســواق
مـن شافـنـي يـقـول تـاجـر ومـرمـوق
فـي اللبـس انـا رسـمـي ورايــق وذواق
وانـا منـتـف فــي الحقيـقـة ومـزنـوق
حظـي مجـنـب بــي عــن دروب الأرزاق
عقلـي مــن الخـفـرات لاذع ومـحـروق
مـن يفتحـون السـوق وانـا علـى ســاق
الحـق بنـات الـنـاس هـايـم ومطـفـوق
ومخبـاي مليـانـه مــن أركــان الأوراق
شبّكت ( هند ) و( ريـم ) والثالثـة ( شـوق )
والرابعة والخامسـة ( وعـد ) و ( أشـواق )
دايــم وجـوالـي عـلـى الآذن ملـصـوق
محبوبتـي مــا تحتـمـل بـعـد وإفــراق
تقول ( ناصر) وإسمـي الصـدق ( مـرزوق)
لا يابعد ( ناصر ) و( مـرزوق) و ( إسحـاق )
ألعـب عليهـا لـعـب عـاشـق بمعـشـوق
وأبنـي بـراس الحلـوه جـسـور وأنـفـاق
هذي ... سلوم اهل الهوى كلها بووووووووووق
أكثر ضحايا الناس في الوقت عشـاااااااااااااااااق
